സംസ്ഥാന താല്പര്യങ്ങള് അടിയറവ് വയ്ക്കാതെ, ഒരിഞ്ച് ഭൂമി പോലും വിട്ടു കൊടുക്കാതെ ടികോമിനെ വറുതിയില് നിറുത്തി സ്വപ്ന പദ്ധതി സാക്ഷാത്കരിക്കാന് ആര്ജ്ജവം കാണിച്ച ,സര്ക്കാരിന്റെയും ജനങ്ങളുടെയും നട്ടെല്ല് വളക്കാതെ വ്യവസായം വരാന് നിലപാടെടുത്ത ഇടതു സര്ക്കാരിനു അഭിവാദ്യങ്ങള് .
കോമണ് വെല്ത്ത് ഗെയിംസ് അഴിമതി,ആദര്ശ് ഫ്ലാറ്റ് അഴിമതി, ടു ജി സ്പെക്ട്രം അഴിമതി, ജുഡിഷ്യറിയുടെ പേരിലുള്ള അപവാദങ്ങള് , അവസാനമായി ഐസ്ക്രീം കേസ്സിലെ വെളിപ്പെടുത്തലുകള്, തുടങ്ങി സാമ്പത്തിക അരാജകത്വം നടമാടുന്ന ഇക്കാലത്ത് “പണം നല്കാം, നിങ്ങള് ജനതയ്ക്ക് വിഷം വാങ്ങി കൊടുക്കണം ” എന്ന് വാഗ്ദാനം ചെയ്താല് അതും ചെയ്തേക്കാവുന്ന അവസ്ഥയാണ് ഇന്ന്.
സ്മാര്ട്ട്സിറ്റിയുടെ ഈ നേട്ടം ഇടതുപക്ഷത്തിന്റെ നേരായ നിലപാടുകളുടെ വിജയമാണ്.